Naseeb e Ishq Dil e BeQarar Bhi To Nahi
نصیبِ عشق دلِ بےقرار بھی تو نہیں
بہت دِنوں سے تیرا انتظار بھی تو نہیں
زمانہ پُرسشِ غم بھی کرے توکیا حاصل
کہ تیراغم غمِ لیل و نہار بھی تو نہیں
تِری نگاہِ تغافل کو کون سمجھائے
کہ اپنے دِل پہ مُجھے اِختیار بھی تو نہیں
تُوہی بتا کہ تیری خامشی کو کیا سمجھوں
تِری نظر کا مگر اعتِبار بھی تو نہیں
اگرچہ دِل تیری منزل نہ بن سکا اے دوست
مگر چراغِ سرِ راہ گذار بھی تو نہیں