Chiragh e toor jalao bada andhera hai | Saghar Siddiqui

Chiragh e toor jalao bada andhera hai

Chiragh e toor jalao bada andhera hai

Chiragh e toor jalao bada andhera hai
Zara naqaab uthao bada andhera hai

Abhi tou subah ke mathe ka rang kala hai
Abhi fareb na khaao bada andhera hai

Woh jin ke hote hain khursheed asteeno mein
Unhein kahein se bulao bada andhera hai

Mujhe tumhare nigahon pe etimad nahi
Mere qareeb na aao bada andhera hai

Faraz e arsh se tootqa hoa koi taara
Kahein se dhoond ke lao bada andhera hai

Baseeraton pe ujalon ka khauf taari hai
Mujhe yaqeen delao bada andhera hai

Jisa zubaan e khirad main sharaab kehty hain
Woh raushni se pilao bada andhera hai

Ba nam e zohra jaheenan e khitta e firdaus
Kisi kiran ko jagao bada andhera hai

Poet : Saghar Siddiqui

Best Full Ghazal Saghar Siddiqui

Leave a Reply

Your email address will not be published.