Barson ke baad dekha ek shakhs dilruba sa | Ahmad Faraz

BarsoN ke baad dekha

Barson ke baad dekha

BarsoN ke baad dekha ek shakhs dilruba sa
Ab zehn men nahi hai par naam tha bhala sa

Abru khinche khinche se ankhen jhuki jhuki si
BataiN ruki ruki si Lehja thaka thaka sa

Alfaz the k jugnu aawaz ke safar men
Ban jaye jangaloN men jis tarah raasta sa

KhaaboN men khaab uske yadoN men yaad uski
NeendoN men ghul gya ho jaise k rat-jaga sa

Pahle bhi log aaye kitne hi zindagi men
Wo har tarah se lekin auroon se tha juda sa

Kuch ye k muddatoon se hum bhi nahi the roye
Kuch zahr men ghula tha ahbaab ka dilasa

Phir yuN hua k sawan aankhoN men aa base the
Phir yuN hua k jaise dil bhi tha aablaa sa

Ab such kahaiN to yaro hum ko khabar nahi thi
Ban jaye ga qayamat ek waqeya zara sa

Tewar the be rukhi ke, andaaz dosti ka
Wo ajnabi tha lekin lagta tha aashna sa

Hum dasht the k darya hum zahr the k amrit
Nahuq the zo’m humko jab wo nahi tha piyasa

Humne bhi usko dekha kal sham ittefaqan
Apna bhi haal hai ab logo “Faraz” ka sa

Chiragh e toor jalao bada andhera hai | Saghar Siddiqui

Chiragh e toor jalao bada andhera hai

Chiragh e toor jalao bada andhera hai

Chiragh e toor jalao bada andhera hai
Zara naqaab uthao bada andhera hai

Abhi tou subah ke mathe ka rang kala hai
Abhi fareb na khaao bada andhera hai

Woh jin ke hote hain khursheed asteeno mein
Unhein kahein se bulao bada andhera hai

Mujhe tumhare nigahon pe etimad nahi
Mere qareeb na aao bada andhera hai

Faraz e arsh se tootqa hoa koi taara
Kahein se dhoond ke lao bada andhera hai

Baseeraton pe ujalon ka khauf taari hai
Mujhe yaqeen delao bada andhera hai

Jisa zubaan e khirad main sharaab kehty hain
Woh raushni se pilao bada andhera hai

Ba nam e zohra jaheenan e khitta e firdaus
Kisi kiran ko jagao bada andhera hai

Poet : Saghar Siddiqui

Best Full Ghazal Saghar Siddiqui

Kab yaaron ko tasleem nahi | Ahmad Faraz Poetry Ghazal

Kab yaaron ko tasleem nahi

Kab yaaron ko tasleem nahi

Kab yaaron ko tasleem nahi, kab koi ado inkari hai
Is koye talabb mein hum ne bhi dil Nazar kya jaan vari hai

Jab saaz salasil bajtay thay, hum –apne lahoo mein sajtay thay
Woh Rait abhi tak baqi hai, yeh rasam abhi tak jari hai

Kuch ehley sitam, kuch ehley Hasham me khanah giranay aaye thay
Dehleez ko choom ke chore diya dekha ke yeh pathar bhaari hai

Jab parcham-e jaan leker niklay hum khaak nashen maqtal maqtal
Uss waqt se le kar aaj talak jallad pay Haibat taari hai

Zakhamo se badan gulzaar sahi par un ke shakista teer geeno
Khud turkish walay keh den ge yeh baazi kis ne haari hai

Kis zeam main thay –apne dushman shayad yeh inhen maloom nahi
Yeh khakِ watan hai jaan apni aur jaan to sab ko pyari hai

Ahmad Faraz Poetry Ghazal

Saghar Siddiqui Sad Poetry in Urdu | Urdu Poetry

Saghar Siddiqui Sad Poetry in Urdu

Saghar Siddiqui Sad Poetry in Urdu

Aye taghayar e zamana ye ajeeb dil lagi hai
Na waqar e dost hai na maza e dushmani hai

Mere sath tum bhi chalna mere sath tum bhi ana
Zara gham k raston mein bari teiz tairagi hai

Ye mushahida nahi hai mere dard ki sada hai
Mere dagh e dil loute hain teri bazm jab saji hai

Gham e zindagi kahan hain abhi wehshaton se fursat
Tere naz utha hi le gaya abhi zindagi paari hai

Jisa apna yar kehna usay chorna bhanwar mein
Ye hadees E dilbaran hai ye kamal e Dil bari hai

Wo guzar gia hai Saghar koi gafla chamana se
Kahein aag jal rahi hai kahein raakh so gai hai

Saghar Siddiqui Sad Poetry

Ahmed Faraz Poetry | Faraz Shayari

Ahmed Faraz Poetry

Ahmed Faraz Poetry

Jo harf-e haq tha wohi ja baja kaha so kaha
Bulaa se shehar mein mera lahoo baha so baha

Humi ko ehley jahan se tha ikhtilaaf so hai
Humi ne ehley jahan ka sitam saha so saha

Jisay jisay nahi chaha ussay ussay chaha
Jahan jahan bhi mra dil nahi raha so raha

Nah doosron se nedamat nah khud se sharminda
Ke jo kya so kya aur jo kaha so kaha

Yeh dekh tujh se wafa ki ke be wafai ki
Chalo mein aur kahin mubtala raha so raha

Tre naseeb agar ja lagey kinare se
Wagerna sale zamana mein jo baha so baha

Shikast o fatah mra masla nahi hai Faraz
Mein zindagi se nabard aazma raha so raha

Ahmed Faraz Poetry

Kab samaa tha bahhar se pehlay | Saghar Siddiqui

Kab samaa tha bahhar se pehlay

Kab samaa tha bahhar se pehlay

Kab samaa tha bahhar se pehlay
Gham kahan tha bahhar se pehlay

Aik nanha arzoo ka diya
Zofashan tha bahhar se pehlay

Ab tamasha hai chaar ka tenko
Aashiyaan tha bahhar se pehlay

Ae marey dil ke daagh yeh to bta
To kahan tha bahhar se pehlay

Pichli shab mein khazaann ka sannata
Hum zuba tha bahhar se pehlay

Chandni ma ye aag darya
Kab rawan tha bahhar se pehlay

Ban gaya hai sahab mosam e gul
Jo dhuwan tha bahhar se pehlay

Lut gayi dil ki zindagi saghar
Dil jowa tha bahhar se pehlay

Full Ghazal

Ahmad Faraz Urdu Poetry | Urdu Poetry

Ahmad Faraz Urdu Poetry

Ahmad Faraz Urdu Poetry

Is ka socha bhi na tha ab ke jo tanha guzri
Wo qayamat hi ghaneemat thi jo yakja guzri

Aa galay tujh ko laga loon mere piyare dushman
Ik meri bat nahi tujh pay bhi kya kya guzri

Mein to sehra k tapish tishna labi bhool gaya
Jo mere hum nafson pay lab e dariya guzri

Aj kya dekh k bhar ai hain ankhein teri
Hum pay ay dost ye saa’at to humesh guzri

Meri tanha safri mere muqaddar thi Faraz
Warna is sheher e tamanna say to duniya guzri

Poet : Ahmad Faraz

Ahmad Faraz Urdu Poetry  Full Ghazal

Aap ka aitbaar kaun kare | Daagh Dehlvi

Aap ka aitbaar kaun kare

Aap ka aitbaar kaun kare

Aap ka aitbaar kaun kare
Roz ka intizar kon kare

Zikr-e-mehro o wafaa to ham karte
Phir tumhain sharam saar kon kare

Ho jo us chashm e mast se be khud
Phir usey hoshiyaar kon kare

Tum to ho jaan ik zamaney ki
Jaan tum per nisaar kon kare

Aafat e rozgaar jab tum ho
Shikwa e rozgaar kon kare

Apni tasbeeh rehne de zahid
Daana daana shumaar kon kare

Aankh hai tark e zulf hai shayed
Dekhen dil ka shikaar kon kare

Vaada karte nahin yehi kehtey hain
Tujh ko umeed vaar kon kare

Daagh ki shakal dekh kar boley
Aesi shakal ko payaar kon kare

Poet : Daag Dehlvi

 Full Ghazal